Жақында Қызылорда облысы қоғамдық даму басқармасы мен "Жастар ресурстық орталығы" Байқоңыр қалалық бөлімінің ұйымдастыруымен Академик С.А.Джиенкулов Атындағы Байқоңыр жоғары колледжінің бір топ студенттері Қызылорда қаласына арнайы экскурсияға барып қайтты.
Экскурсия барысында ең алдымен 40-тан астам Байқоңыр қаласының жастары Қазақстан Республикасының Тұңғыш Президенті саябағына тоқталып, одан соң саябақтың төрінен орын алған Рәміздер алаңымен танысты.
Жас буынға кәсіби бағыт-бағдар беру мақсатында экскурсия "Болашақ" Университетінде жалғасып, онда оқу орнының құрылтайшысы Бақберген Досманбетов Байқоңыр қаласының жастарын арнайы қабылдады.
Сондай-ақ, жастар Қызылорда облыстық тарихи-өлкетану музейіне де бас сұғып, тарихи жәдігерлер мен құнды мұралар жөнінде, сыр өлкесі жайында жаңа ақпараттар алды.
Қызылорда облыстық "Жастар ресурстық орталығының" мамандары қонақтарға көтеріңкі көңіл-күй сыйлау мақсатында концерттік бағдарлама әзірленіп, Байқоңыр жастарына арнайы сый-сияпат көрсетті.
Жастар Ресурстық Орталығы Байқоңыр қалалық бөліміне студент жастар дән риза.